Fréttir

getraunir

Húskerfin gáfu 13 rétta og 500 þúsund krónur í vinning

30. Oct 2023, 13:37

Tveir seðlar voru með 13 rétta á Enska getraunaseðlinum síðastliðinn laugardag og voru báðir í eigu svokallaðra húskerfa sem mörg íþróttafélög hafa tekið upp á síðastliðnum árum. Annar seðillin var í eigu húskerfis Knattspyrnufélags Fjallabyggðar og er þetta í annað sinn í vetur sem safnað er í húskerfi og tippað. Fyrra sinnið var fyrir fjórum vikum síðan og þá sló kerfið líka í 13 rétta. Verður áhugavert, í ljósi góðs árangurs, að fylgjast með hvort stjórnendur húskerfis Knattspyrnufélags Fjallabyggðar láti áfram líða 4 vikur á milli þess sem þeir tippa á Enska getraunaseðilinn. 

Húskerfi Hauka var líka með 13 rétta á Enska getraunaseðlinum en Haukar hafa haldið úti öflugu getraunastarfi í mörg ár.  

Sunnudagsseðillinn gaf líka vel af sér og þar voru það Vestmannaeyingar úr KFS sem fengu 13 rétta og 900 þúsund krónur í vinning. Stuðningsfólk KFS hefur verið iðið við kolann og fengið marga stóra vinninga í getraunum gegnum tíðina.

Tengdar fréttir

getraunir

Þrír með 13 rétta í Enska

Þrír glúrnir tipparar voru með 13 leiki rétta á Enska getraunaseðlinum síðastliðinn laugardag og fá þeir í sinn hlut um 650 þúsund krónur. Einn tipparanna styður við bakið á Fjölni, annar við Víking og sá þriðji styður Breiðablik.

getraunir

Tveir vinir með 13 rétta

Tveir tipparar hjá Hetti Egilsstöðum voru á skotskónum um helgina þegar þeir fengu báðir 13 rétta.  Annar tippaði á Enska seðilinn á laugardaginn og hinn daginn eftir á Sunnudagsseðilinn. Tipparinn sem tippaði á Enska seðilinn og fékk 13 rétta fékk 9,4 milljónir í sinn hlut og var að vonum ánægður. Hann heyrði svo í fé... Lesa meira

getraunir

Vann 17,4 milljónir á Enska getraunaseðilinn

Hann var heldur betur lukkulegur tipparinn sem fékk 13 rétta á Enska getraunaseðilinn síðastliðinn laugardag, en seðillinn skilaði honum 17.4 milljónum króna í vinning. Tipparinn var orðinn verulega stressaður fyrir síðasta leikinn á getraunaseðlinum en það var viðureign West Ham og Man. City sem hófst klukkan átta á l... Lesa meira

getraunir

Tippari með tæpar 2 milljónir á Miðvikudagsseðlinum

Tippari sem styður Víking Ólafsvík vann í gær tæpar 2 milljónir fyrir að vera með 13 rétta á Miðvikudagsseðlinum hjá Íslenskum getraunum. Tipparinn notaði kerfi S-0-10-128 sem gefur honum möguleika á að setja tvö tákn á  tíu leiki og setja eitt merki á þrjá leiki. Alls er kerfið 128 raðir og kostar það 1.664 krónur. Ke... Lesa meira

getraunir

1.2 milljónir til Eyja

Getraunastarfsemi hefur verið afar öflug í Vestmannaeyjum undanfarna áratugi og má segja að Eyjamenn hafi verið öflugir í tippinu alla tíð. Getraunastarfsemin skiptist á milli ÍBV annarsvegar og KFS hinsvegar og hafa þeir síðarnefndu staðið sig mjög vel og eru meðal söluhæstu félaga landsins. Þau fengu meðal annars 13 ... Lesa meira

Viltu lesa meira?

Skoða allar fréttir